【移居大馬多年】鄭浩南出山拍ViuTV新劇:返嚟順便睇下香港點

更新時間 (HKT): 2019.11.06 16:11

鄭浩南(Mark)定居馬來西亞多年,與妻子及一對子女過着安穩生活,但他仍心繫香港,最近他獲ViuTV邀請回港拍攝新劇《地產仔》,今天他便聯同余香凝(Jennifer)、朱慧敏、廖子妤與胡子彤等,在佐敦進行開鏡儀式。Mark謂斷續回港拍攝,目前將留10天,他更主動提到現時香港的社會狀況,他說:「返嚟順便睇下香港點,幾好呀,希望香港一路好落去,面前有嘅問題好快會解決到,我喺1967年暴動嘅時候啱啱3歲,乜都可以擺平同拉直,我唔相信呢個年代會傾唔埋冷,希望順順利利,變返正常嘅香港。」

提到新劇,Mark飾演地產舖的老闆,他說:「好多朋友會問我咁多年點解唔買樓,我係一個超級經濟學家,喺97年前將所有嘢賣晒,香港房地產未死過。」而他又謂12月會休息,陪伴子女,更希望一家人回港度聖誕。而劇中朱慧敏一直暗戀Mark,朱慧敏笑指Mark身形弗爆,更被對方電暈,Mark笑說:「唔係嘛,我望都冇望佢!講笑啫,太客氣嘞,年紀大,身體唔好,唔係為靚同keep身形,我不嬲都有打波,打棒球同壘球,不過退咗役,而家打網球。」

另外,Jennifer劇中飾演地產界的大家姐,雖然外表斯文,但其實也有惡的一面,她表示多看劉嘉玲與江美儀的演出,學習她們的氣勢,至於提到買樓,Jennifer希望30歲前完成心願,她說:「買樓梗係想啦!希望可30歲前買到,其實30歲前都好多嘢想做,希望事業好啲、搵到結婚對象、買到樓畀媽咪。」之前在Super Girls成員Jessica的婚禮上接到花球,問她是否恨嫁?她自爆說:「唔係接,係我搶返嚟嘅,大家知我好恨,之後都好多朋友過嚟認識,多到唔記得有幾多,講笑,但係其實個心未ready,又要恨又要落閘。人與人之間係講緣份,有人話聞到嘅氣味都唔同,鍾意一個人可能係一嚟就鍾意嗰陣味。」

娛聞樂陪你走遍全球追星,即Like「娛果」FB 專頁!
BannerBanner