【人妻最痛】江若琳三招破老公蕭潤邦鼻鼾︰每晚好似瞓火車站旁邊

更新時間 (HKT): 2019.11.07 14:52
(資料圖片)

江若琳(Elanne)日前在facebook宣佈受到「家暴」,每晚被老公「生煎包王子」蕭潤邦的鼻鼾聲「襲擊」,她留言表示「由今晚開始,你每晚一定,必須要用鼻鼾貼瞓覺,我每晚好似瞓係火車站旁邊,頭很痛!很崩潰!痛苦!拍極都嘈。天呀 !好想趕佢出廳」。Elanne一出文引來不少同病相憐人妻教路,有人提議戴耳塞,亦有人教「你試吓唔好拍佢,喺佢耳邊細細聲講:喂!你輸波啊」、「過多兩年就慣」、「另一絕招係訓先過佢瞓」或者「你改日頭瞓咪得囉」。

Elanne今日接受《蘋果日報》訪問時表示,綜合眾多推介,她得出三招絕招︰「我買咗鼻鼾貼畀佢,好有用,勁唔勁呀。所以如果有鼻鼾貼sponsor或代言,一定要搵我哋,太需要,我一箱箱咁買。鼻鼾貼可以將100分貝降到60,都okay。加上少少暴力,再嘈就一腳踢埋去啦,就會安靜啲。或者將佢個頭推到側埋一邊,就會好好多。」另一個較消極方法就是早瞓過對手,她笑說︰「瞓先過佢,佢12點瞓,你11點半好瞓嘞。」

娛聞樂陪你走遍全球追星,即Like「娛果」FB 專頁!
BannerBanner