【又玻璃心】王迪詩IG揶揄阿叻遭「河蟹」 網民不屑鬧爆五毛

更新時間 (HKT): 2019.11.07 11:48

社會運動持續了近5個月,黃藍敵對,杜汶澤日前與陳百祥(阿叻)應港台邀請出席《視點31》的facebook live,這場世紀辯論成為大家茶餘飯後的話題,才女作家王迪詩看罷都分別在社交網fb和Instagram講出對阿叻的感受,她貼出15年為港台節目《我係乜乜乜》做主持訪問阿叻,王迪詩寫出真感受:「好多人問我訪問阿叻最難係乜。我答:忍笑。」估不到這個post在IG被「河蟹」。

王迪詩昨晚在社交網公開此事,她說:「Instagram話我昨日寫關於叻哥同阿澤辯論個post係hate speech,將我個post刪除咗。呢個post我同時喺fb刊出,至今有超過4萬個like,reach:1,305,907。大批五毛留言攻擊我,IG個post被佢哋report到刪咗,相信fb post被消失都不遠矣。是否hate speech,相信大家心中自有判斷,我個post非但冇散播仇恨,反而勸大家放開啲,唔需要動氣同爭拗。請幫忙back up我昨日嘅fb post,見到你認為係hate speech嘅留言請幫忙檢舉。IG冇咗,大家嚟我fb睇啦,撐到一秒得一秒。」

網民紛紛留言力撐,「乜嘢話,班無腦五毛搞到冇咗個post」、「唉,真係人一藍,腦便殘」、「要小心啲人會report埋你IG acc冇咗」、「平時藍絲啲hate speech就report極都唔delete,頂」、「支持你直言,強國人玻璃心,真係好易碎,受不起風浪」。

娛聞樂陪你走遍全球追星,即Like「娛果」FB 專頁!
BannerBanner