【搵食艱難】郭羨妮認夫妻受中國審查影響:呢啲唔拍得嗰啲又唔拍得

更新時間 (HKT): 2019.11.09 13:48

郭羨妮今日在馬鞍山出席慈善跑,她指7歲愛女Kylie原本都想參與,但因測驗將至,所以要留在家中溫習,她表示很緊張女兒的學業:「個女叫我唔使陪佢溫書,佢話自己會搞掂,可能覺得我好煩,因為我成日都好驚佢唔識溫書,成日都覺得佢好細個,但其實佢已經大個咗,我而家學緊放手。」她透露女兒成績雖然麻麻地,但最叻是英文科,她續說:「其實我同佢都大壓力,因為佢讀嘅係傳統學校,好嚴謹,有時會諗不如早啲返加拿大讀書或者轉讀國際學校,咁樣會開心啲,但而家係觀察期中。」她指老公朱少杰因為要開工拍劇,所以理不到女兒的學業。

談及大陸受中美貿易戰、加稅問題和審查過嚴,以致令不少電影要煞停,郭羨妮坦言老公的工作比以前較少,她說:「真係少咗,好多規限,可能呢啲唔拍得嗰啲又唔拍得,係比以前難搵食,其實我都有受影響,但係要樂觀面對,如果少嘢做,我可以陪多啲阿女,親子時間會多啲,多嘢做嘅時候係搵到錢,但就陪唔到阿女嘅成長,所以係相輔相成。」

郭羨妮指自己平時很「宅」,所以很開心今天出來做運動。問她有沒有興趣拍劇?她說:「覺得好辛苦,我呢啲年紀,唔係年輕,如果係都會揀自己未做過嘅角色,我之前先拍完《尋秦記》電影版,拍到最尾好辛苦,因為又熱又長時間,戲服又厚,希望身體好啲先再拍。」

娛聞樂陪你走遍全球追星,即Like「娛果」FB 專頁!
BannerBanner