【一個就夠數】JJ怕失業唔敢生多件 直認無阿叻聯絡電話

更新時間 (HKT): 2019.11.09 19:36
(左圖攝影:沈健程)

賈曉晨(JJ)今日現身電影《失蹤》首映禮,她在前年11月為老公樊少皇誕下囡囡「小飯兜」後,明顯工作量大減,她解釋說:「真係少咗好多嘢做,時勢又不停變,好多都用新人,我已經係舊啦。不過啲角色類型唔同咗,而家可以演好cool、有經歷嘅女人。」

談到囡囡今個月18號2歲生日,賈曉晨表示會帶她到水族館看海洋生物慶祝:「佢見到啲動物就開心到癲咗,聽音樂就會唱歌、跳舞。」問她會否再生BB?JJ笑謂:「生一個都少咗工作,再生就失業啦,我都想做吓嘢先。」

JJ曾是陳百祥(阿叻)旗下藝人,提到阮民安(Tommy)早前指當年被阿叻冷落,JJ說:「我最近忙緊幫個女揀學校,所以冇留意。」她坦言沒有阿叻的聯絡方法:「佢係我老闆,我冇佢電話㗎,都係透過經理人聯絡。我又冇諗(冷落)呢個問題,冇工作就做宅女。」對於阿叻近日的言論被網民批評,她表示不了解事件,不想隨便回應。

娛聞樂陪你走遍全球追星,即Like「娛果」FB 專頁!
BannerBanner