【就快做姨媽?】楊卓娜等楊怡親自揭盅 生日恨收金磚

更新時間 (HKT): 2019.11.10 13:02

今日42歲生日的楊卓娜,趁生日做善事,她今日早上去到沙田石門擔任慈善跑的嘉賓,為罕見病兒童籌款,並主持開步禮,同場還有莊思敏。講到傳胞妹楊怡有孕,楊卓娜顯得避忌說:「如果佢有咗會同大家講,我嘅開心事係生日,講番自己就好喇,希望佢快啲有好消息。」

楊卓娜表示,希望每年生日做有意義的事,可以參加慈善活動,對於如何慶祝生日,她說:「噚日同朋友食飯,今日約咗屋企人食飯慶祝,會去行山,同埋出席朋友小朋友嘅生日。」楊卓娜笑言要黐對方生日蛋糕之餘,還要派利是給對方,不過一年一次沒所謂。至於老公送了檀香木給她作為生日禮物,楊卓娜說:「一嚿木都係心意,而且我比較鍾意藝術性嘅嘢,下次應該送嚿磚頭,最好送金磚。」

至於擔任今天活動嘉賓的莊思敏坦言,自己很少做運動,她說:「我怕曬較少跑戶外,兼且屋企近山,多車又多野豬,比較危險。有試過同男友一齊跑步,但做運動鍾意自己一個人,因為大家節奏不同。」莊思敏另提到近日發現自己嚴重甩頭髮,令她擔心自己有脫髮危機:「近月脫髮嚴重,髮型師都問我係咪有病。我諗可能轉天氣同轉洗頭水。好多朋友畀良方解救我,令我唔擔心,甩頭髮係有得醫嘅。」

娛聞樂陪你走遍全球追星,即Like「娛果」FB 專頁!
BannerBanner