【見證新獅子山精神】鄭敬基不再為「搵食」沉默:嗰啖飯好難啃

更新時間 (HKT): 2019.11.10 19:35
(網上圖片)

香港逆權運動持續,多次在網上公開發聲表態、兼與港人一起遊行抗爭的鄭敬基,早前接受商台《1圈圈 星光背後》訪問時,除了自爆7月被大台DQ外,揚言絕不會與年輕人割席的他,更大讚香港年輕人這次運動中,建立了新獅子山精神。

訪問期間,當主持梁泰來問到他由6月至今,最令他氣憤的是不是7.21元朗襲擊事件,令他與太太一起上街?鄭敬基指這次運動中有好多事情都會覺得氣憤,而自己本來「麻麻地」香港,但因為朋友圈及工作才由加拿大返港發展:「講真我真係唔係幾熱愛香港,但呢幾個月我真係睇到原來真正嘅香港係咁有毅力,我尊敬香港呢個地方。我未見過一個世界嘅人可以為咗一件事咁同心,必要嘅時間咁(禮)讓大家,需要嘅時候又咁爭取。不論你係乜嘢階層,有錢、冇錢,專業人士都可以唔自私。呢個新嘅獅子山下精神,而家變咗獅子山上精神。」

問到年輕人就算有破壞或是暴力的行動,是否仍不會與他們割席?鄭敬基即擰擰頭表示:「唔會㗎,即係等於我有個仔,他因為某啲嘢而有情緒問題,有人誤會咗佢又好,打爛晒啲嘢又好,你有冇見過一個爸爸媽媽對住一個自閉症嘅細路仔,會因為有嘢挑起情緒而唔認佢做仔?要先處理好病因,呢個好緊要,而家大家都知個『病因』係乜嘢。」

問到鄭敬基是否會覺得香港人分裂時,他說︰「係,但係以前分裂係因為我要『搵食』,但當有樣嘢超越過搵食,個心會搵得唔安樂,你會責備自己為咗搵食而再唔去做啲嘢,那管嗰樣嘢係有幾輕,或者係喺fb擺張相,你總係要做啲啱嘅事。人係可以搵食,但搵食去到一個點,連自己都會問自己『我真係啱?』嘅時候,你嗰啖飯好難啃。」

鄭敬基又透露,最初是太太Angie讓他看到事情的發生,他指太太很擔心年輕人,如着黑衫就會被捉被打,所以會在家中拿些彩色的衣服到現場,又會在港鐵站外遞水:「呢個老婆我好尊敬,我覺得佢有一種正直係我冇嘅,佢睇見啱嘅事就做,保護細路仔係全世界都會做,而唔係因為你乜立場。」而鄭敬基又直言陪老婆遊行,最初也會害怕被認出:「我驚㗎,外母、我阿媽都叫我唔好,呢啲就係我哋藝人受嘅嘢,都係要驚影響事業、搵食,但我老婆出咗去,咁我同佢分開,結婚時話『我守護妳』嗰啲咪廢嘅?我要守護我太太,當時仲諗可唔可以用呢個藉口行出嚟?公司都冇人可以話你,但越嚟越同心同行嘅時候,我乜都睇到,但啱嘅嘢,多好多。(被太太改變了?)唔係佢,係香港人。」

娛聞樂陪你走遍全球追星,即Like「娛果」FB 專頁!
BannerBanner