【提早出門】許廷鏗今早見路上情況 ︰有好多感受同情緒

更新時間 (HKT): 2019.11.11 15:58
攝影:仇志德

許廷鏗近日推出入行十周年唱片,努力忙於宣傳,他今日到商台接受訪問,早上多區交通混亂,他有提早出門口,見街上情況與平時不一樣:「喺路程上好多感受,路途同平時唔同,變得頹垣敗瓦,諗咗好耐今日出唔出嚟,做訪問時有好多感受同情緒,但選擇做呢個行業,都要盡自己能力。」

他知道唱片銷量榜於推出首日已排行第二,而且很多店舖已售罄,預計應該會加印:「好多人問點解呢個時候出碟,既然自己選擇做呢行,如果有空間都想幫人放鬆,所以盡量畀正能量出來。」他常在網上開聊天室,自己化身DJ:「近來大家都有好多感受可以分享下,有啲人仲分享感情事,我覺得陪伴、同行最重要,我冇乜嘢叻,只能做呢啲。」他指當自己面對負面情緒時,會出街抖一抖,留在家沒空間調整。

至於唱片封套分別有10張,拿雪糕一張相最受歡迎,他說:「可能大家少見我呢一面,希望大家唔好忘記要笑。」而粉絲最喜歡歌曲《荒廢的綠洲》,大家覺得唱法改變了,而且歌曲可代入不同主題。

此外,愛上班的蘇慧恩,今日如常到商台宣傳新歌,她居住於將軍澳區,表示提早2小時出門口:「搭車時都見到有人示威,都係和平嘅,啲人問我今日都出嚟做嘢,約咗(工作)唔可以失約,冇可能唔嚟,呢個係專業,之後另有活動,放一次飛機已經唔好。」

本月21日她會有發佈會,她堅持會舉行風雨不改,她之前舉行音樂劇時已有經驗,門外也有示威但好和平,有人行兩個鐘來,她好感恩親友堅持來支持。今次發佈會在深水埗舉行,她不怕高危區影響:「朋友問喺差館隔離,發生乜事安全為先,但就算得我一個人唱都enjoy,會自high,最緊要有得唱。」另外,崇日的她透露細個很喜歡日本文化,覺得日本人有禮貌又守時,之前拍旅遊節目也帶和服去拍攝,但怕語言不通,應不會嫁日本人。

娛聞樂陪你走遍全球追星,即Like「娛果」FB 專頁!
BannerBanner