【每日都早收工】馬浚偉大讚顧美華:三頁對白一字不漏一Take過

更新時間 (HKT): 2019.11.12 16:26

馬浚偉、余香凝、顧美華和黃定謙今日到商台為即將上映的新片《生前約死後》宣傳,其中正在外遊的美華姐特地趕回港出席訪問,提到跟馬仔合作完舞台劇後再拍電影,她說和馬仔已很有默契:「拍電影仲舒服過做舞台劇。」馬仔就說今次電影成本有限,實在負責不起加班錢:「結果拍一場對手戲,美華姐將三頁紙對白一字不漏講完,一Take過,幾乎每日都早收工,真係犀利。」

同樣在拍劇的余香凝亦抽空宣傳,故事中飾演精神科醫生,與馬浚偉有大量對手戲,最後更發展出感情,馬仔大讃兩位新演員做足功課,埋位時不用帶劇本,又笑說今次身兼導演工作,上場演出外更兼任「嗌Cut」重任,是一次難忘經歷。

另外,譚杏藍(小花)和師弟潘伯仲今日到商台宣傳新歌《春麗回憶錄》,小花表示今次快歌風格屬新嘗試,更加入Rap部分,她說:「我最欣賞師弟個嘴夠厚,所以先請佢做Rapper,我鍾意佢嘴唇夠大夠厚。」小花再爆:「佢成日都睇我啲化妝片,想學化細個唇,個MV都係近鏡影佢個嘴,係佢要求!」

講到新歌,小花透露:「係講女主角幻想打緊機,見番好多以前嘅男朋友,一個一個咁踢走佢,最後就係潘伯仲,得佢打贏到我、食得住我,其實打者愛也,個角色都好Tough。」問到小花私下是否都食住男友恆仔?她說:「係佢食住我,冇咗佢我就最勁!」

採訪、攝影:曹家誠

娛聞樂陪你走遍全球追星,即Like「娛果」FB 專頁!
BannerBanner