【最強黃絲出手】黃宇詩申請李嘉誠應急錢︰我諗成個香港都好感恩

更新時間 (HKT): 2019.11.13 13:30

被網民戲稱為「最強黃絲」的李嘉誠,早前透過旗下基金會出手,推出「應急錢」援助近期受逆權運動影響的食肆。除減少擾民的申請手續,更本着對香港市民的信任,基本上只要提供到飲食牌,都可以領取6萬元補助。日前基金會宣佈推出第二階段,向零售業提供6億元資助,只要提供足夠證明,將可獲每宗6萬元資助,就算屬於其他未分類消費品零售商戶,都可獲3萬元資助。

已故「鬼才」黃霑囡囡黃宇詩早年在PMQ開店,售賣女性內衣用品,她今日接受《蘋果日報》訪問,表示已看過「應急錢」申領細節,她說︰「細節非常簡單,一版就睇晒。只要有商業登記同MPF供款紀錄就得,就係咁簡單。我會申請,始終都係細生意,PMQ間店開幕之後支出大咗,好在過去幾個月生意都okay嘅,已經好lucky。不過情況好似未有改善,希望有多少少準備傍下身,用返係公司出糧同年尾出啲bonus畀伙記。真係好感激誠哥,相信唔止自己,我諗成個香港都好感恩。以前大家都會覺得啲商人做生意做盡呀,今次表明係幫香港人。」阿詩覺得誠哥在目前這個今日未知聽日事,過得一日的時候,誠哥的舉措確實助力很大,她說︰「幫到嘅人包括自己,佢可以唔幫,但佢都選擇出手,今次更加會幫襯多啲佢間超級市場,支持下佢啦,幫襯佢多啲。」

娛聞樂陪你走遍全球追星,即Like「娛果」FB 專頁!
BannerBanner