【有人好葡萄】富婆陳曼娜豪宅賀68歲 陶傑祝靚過狐狸精

更新時間 (HKT): 2019.11.13 18:15

圈中富婆陳曼娜(Manna姐)上周二(5號)踏入68歲,交遊廣闊的她分5晚慶祝,其中一晚在2,500呎豪宅招待宣萱、李成昌、陳彥行、黃智賢等,陳彥行祝Manna姐:「身材越嚟越勁,勁過我。」羅敏莊笑指Manna姐乜都有,惟有送kiss祝賀;宣萱就羨慕Manna姐住豪宅,自爆本來想「放飛機」:「因為有job有錢搵,但Manna話唔可以唔嚟,你知你有咁嘅樓,我冇嘛,我要好努力儲錢。」

另一晚Manna姐約胡楓、黃百鳴、林建明、吳啟明、陶傑等到食肆晚膳,全晚妙語連珠充滿笑聲,才子陶傑更祝Manna姐似狐狸精咁靚:「第一次見Manna,佢喺麗啲拍《聊齋》,佢做鬼狐,祝佢越大越鬼咁靚,越大越狐狸精。」o氹到Manna姐好開心。

Manna姐接受《蘋果》電話訪問說:「生日係最開心,以前我都係分幾晚慶祝,不過有時請幾圍好辛苦,尤其是包場,將所有唔同背景朋友招呼埋一齊好攰,今年揀咗啲好朋友,每晚一圍,大家可以暢所欲言,好enjoy去食嘢,自己又可以食飽。」

除了跟圈中好友共度外,Manna姐還留一晚與家人慶祝,兒子Allen帶太太由美國返港賀壽,而外孫女「棉花糖」更吻賀嫲嫲,溫馨滿瀉,Manna姐說:「呢幾晚除咗可以同朋友盡興之外,最開心我個仔返咗嚟,佢帶埋大肚新抱返嚟,特別有意義,今年搞咗5個生日會,五個都係盡興嘅,晚晚食好多,遲啲要拍ViuTV劇,我要正正式式減肥。」

娛聞樂陪你走遍全球追星,即Like「娛果」FB 專頁!
BannerBanner