【抗暴之戰】曾志豪留守母校浸大:大戰前夕個心好慌

更新時間 (HKT): 2019.11.13 22:24
FB圖片

昨日克警向中大狂發千枚催淚彈,今日各間大專校園氣氛緊張,學生和舊生們自發保衛校園,其中今早發生警民衝突的浸會大學九龍塘本部,有黑衣人在浸大附近設路障時,有人被拘捕;在浸大傳理學院中文系畢業的曾志豪,下午於社交網留言:「今日大學之戰,我選擇留守母校。浸會。」

晚上,曾志豪再留言:「大戰前夕。個心好慌。BU唔係暴大。有人問大家邊個掟過火。無人答。淨係話練習過掟磚。唉!好驚!要平安!」曾志豪並貼出多張浸大的路障相片,校園的地上寫上「反抗」兩個大字。

《蘋果》於晚上9時許聯絡曾志豪,問到現時浸大的情況,他說:「學生都係四面圍封啲路,各自設置報防,除咗下午有防暴來到對恃一輪,暫時未有事發生,都係戒備中,但見到學生氣氛都緊張,討論防暴嚟時應該攻定守,放哨時不停update消息。」問到有否帶物資返母校支援?他說:「由於今日職責嚟採訪,只能做採訪工作,但見到好多物資隊,都足夠嘅,好喜出望外佢哋有大量叉電器,叉電器係生命,冇手機冇資訊。」

小豪子坦言自己心情矛盾:「見到讀咗咁多年書嘅母校外觀變晒,下午自己去學會重溫舊夢,物是人非,變咗佢哋傾談戰略地方,反差好大,以前我哋係傾去邊度玩,今日佢哋係準備抗爭行為。」其實昨晚小豪子都有到中大,他在社交網貼相並留言:「暴大攻防一夜,暴大學生頑強堅毅,真勇武,成功擊退魔警,香港並不是所有地方都讓黑警自出自入,暴大一夜就是香港人的寫照。反抗,自己地方自己保護!」

娛聞樂陪你走遍全球追星,即Like「娛果」FB 專頁!
BannerBanner