【唔小心啫!】敖嘉年打傷李泳豪有陰影 寧願係自己被打

更新時間 (HKT): 2019.11.14 16:11
(攝影:盧妹)

敖嘉年今日到新城宣傳下月舉行的輕鬆搞笑音樂劇《卿本佳人》,音樂劇以粵語長片時代為背景:「要唱返啲50年代嘅歌,好似『遙望清山綠水美如畫』、『詐肚痛去廁所排長龍』,個唱腔好唔同,記對白嗰啲唔係問題,唱先最難。」

音樂劇將於下月演出,問到現時社會環境,不少音樂會等演出亦要延期或取消,敖嘉年說:「暫時未有咁嘅安排,因為好多朋友買咗飛,當然安全第一,到時如果有需要再等監製佢哋安排啦。」

至於社會氣氛緊張,但又要排練搞笑劇情,他認為要以專業態度面對:「好似今日,我哋都擔心記者朋友會唔會危險,但係決定咗就要做,所以都好早起身過嚟,我仲早到咗。」他指多人對香港的情況感不快,但工作的時候要專業。

日前,他與李泳豪拍劇時,以搪膠道具打傷了對方的鼻,敖嘉年說:「嘩,嗰下真係,如果唔1take過仲痛,一扑落去,個樽打到佢個鼻,見到佢個頭又腫又流血,我真係唔敢行埋去。」他坦言拍打人戲有陰影,寧願自己是被打的一方。

採訪、攝影:盧妹

娛聞樂陪你走遍全球追星,即Like「娛果」FB 專頁!
BannerBanner