【巧合?】講廢青遺書 網民斥《愛·回家》暗指年輕人「被自殺」博同情

更新時間 (HKT): 2019.11.15 16:20
昨日播出第709集《雙大恐怖教室》,被網民斥暗指年輕人「被自殺」博同情。(無綫電視截圖)

大台處境劇《愛·回家之開心速遞》算是無綫收視比較好的劇集,未想到無綫疑用長命劇向觀眾「洗腦」,昨日播出第709集《雙大恐怖教室》講金城安在「大小姐」龍力蓮(蓮姐)返工,飽受欺凌,仍然堅持每日要返工,疑心理及生理都有問題,被指劇情暗指年輕人「被自殺」博同情。

講安仔在劇中超怕「大小姐」,而熊尚善為了幫兒子報仇,刻意刁難,蓮姐胞弟Terry被熊尚善欺負,結果蓮姐與熊尚善角力,安仔不准「上班」,Terry不准「演戲」,蓮姐講:「你對我有咩唔滿意就直接搵我,你做乜搞我細佬,你係唔係驚我折磨你個仔呀!咁就唔好畀佢返工囉!」熊尚善反擊叫她不要讓Terry去拍戲,熊尚善說:「You see!人係犯賤!」Terry講:「唔得㗎!我一定要返工,唔可以放棄我嘅演藝事業。」蓮姐反駁:「犯賤又點止佢一個,你個仔喺我手上,如果你夠敢搞我細佬一條頭髮,我就玩到你個仔飛上天花板。」Terry與安仔接受懲罰,堅持上班,一時講「自殺」,一時又指收到廢青安抵受不了壓力,之後更出現「遺書」,又講熊尚善話安仔會去跳海。

有網民認為這集《愛·回家》先是暗示大家不能上班,並不是單純借「抗爭運動」來發揮,而是講到熊尚善用詭計,叫金城安寫一封假遺書、扮失蹤來騙大小姐同情,以為他真的赤腳跳海自殺,整件事「自編自導自演」,最終陰謀得償所願,網民批評編劇有意扭曲近日反送中一連串的「被自殺」事件,疑似暗示抗爭者企圖博社會人士同情,欺騙大眾,對於抗爭者犧牲,竟然被CCTVB用潛移默化方式影響大眾,網民表示不滿,該網民更指《愛回家》播出的片段,大概在1個月前拍攝完畢,即陳彥霖同學逝世1個月後拍攝,該網民稱有人會指他是過份解讀,「如果呢個劇情放在幾年前,我覺得冇乜野,最多當係搞笑劇情」。

另有網民回覆:「噚晚嗰集我都有睇,可能我太膚淺,冇諗到呢啲,不過想說良知係唔會被外面嘅嘢影響到嘅。」另有網民亦留言:「仲有就是啱啱開播嘅時候,安仔根本冇咁廢,但而家佢就越來越廢,咩都做唔好咁,更直頭講到佢好似智障,好似影射緊而家嘅大學生。」網民指TVB已炒晒啲良心編劇,「TVB劇一向都洗腦」。

娛聞樂陪你走遍全球追星,即Like「娛果」FB 專頁!
BannerBanner