【安全要緊】黃婉曼停課冇埋怨:都理解香港人

更新時間 (HKT): 2019.11.17 17:57
(攝影:林賓尼)

對上一個賽馬日,跑馬地夜馬因公眾活動而暫停,今日沙田賽馬日如常舉行,谷祖琳、黃婉曼、許晉亨、夏佳里、吳孟達、王晶及陳百祥等入場欣賞賽事。

黃婉曼有份的馬匹「跳出香港」,在第七場跑到第4名,賽事完畢後,她挽着老公離開馬場,並面帶笑容表示輸了:「唔緊要,都慣,喺馬場練到EQ好高,當多做善事,今日對手好強,係高檔馬。」她表示每次馬匹出賽,都會帶同兩位囡囡到來當家庭聚會,因為屋企在附近,而平日有機會,也會帶大女到馬房餵馬。

教育局宣佈明天停課,黃婉曼說:「都理解嘅,都理解香港人,自己(在)家教,最緊要安全。」她指停課日子便與小朋友落樓下公園玩,至於回將軍澳舖頭便不會帶同小朋友,以免遇上塞車。

久未在幕前露面的谷祖琳,以一身黑色打扮現身馬場,見到傳媒上前拍照,她笑言一問:「你哋喺度嘅?我今次陪朋友嚟,平時好少嚟。大家買7號『以戰養戰』,我都落重注。」同場出賽馬匹3號「閃燿榮光」,其馬主鄧鉅明中午12時前已現身沙田馬場,親身支持旗下馬匹,但未見鄧太在旁,反而吳孟達之後與鄧生現身沙圈,達哥舉V字表示「撐老細『閃耀榮光』。」第三場賽事結束,兩匹馬均三甲不入。

採訪:馬建華、攝影:林賓尼

娛聞樂陪你走遍全球追星,即Like「娛果」FB 專頁!
BannerBanner