【市道唔好】鄧穎芝取消去歐洲過白色聖誕:要慳番啲錢

更新時間 (HKT): 2019.11.18 18:34

鄧穎芝、鄧洢玲、丁子朗和姚宏遠日前到時代廣場出席Pokemon展覽,個個都變了大細路,搶先捉聖誕精靈合照,鄧穎芝接受《蘋果》電話訪問表示:「比卡超唔係我年代嘅卡通人物,但因為屋企有好多小朋友,佢哋好鍾意呢個卡通人物,早前好興喺街捉精靈,我都有陪朋友去捉,仲好誇張駕車去山旯旮地方,捉到通宵達旦。」聖誕將至,鄧穎芝決定今年留港度過:「本來諗住今年去歐洲過白色聖誕,但而家市道又唔好,要慳番啲錢,所以選擇留香港過聖誕節。」

阿旦則說:「記得之前有試過好認真同朋友出去捉精靈,仲試過捉聖誕特別版,係有聖誕帽嘅比卡超,真係好得意,難得有個遊戲唔係宅喺屋企,又可以同朋友邊行邊玩,都幾有益身心,其中有隻小精靈叫依貝,同我屋企嘅東東(狗)好似樣,超鍾意,嚟緊好似有新角色係根據哥基狗仔做藍本,我都應該會努力去捉佢返來。」

娛聞樂陪你走遍全球追星,即Like「娛果」FB 專頁!
BannerBanner