【popo封會展?】梁栢堅怕叱咤變非法集結 網民:個獎係攻擊性武器

更新時間 (HKT): 2019.11.20 19:44
互聯網圖片

逆權運動持續抗爭,香港人都冇心情娛樂,受到社會局勢及交通影響,已有20+演唱會取消,甚至連一年一度的樂壇頒獎禮都被波及,港台「第42屆十大中文金曲頒獎音樂會」宣佈取消,新城就取消實體「2019年度勁爆頒獎禮」,只有星夢和英皇歌手關心的無綫「勁歌金曲頒獎禮」則照常舉行,而商台「2019年度叱咤樂壇頒獎禮」亦已宣佈於1月1日晚上8時假灣仔會展舉行。

填詞人兼二創高手梁栢堅,在社交網嘲諷權力至高無上的警隊:「黑警不用騷證,拉X一眾文青,和勇系,全部拉晒,全部歌手男左女右落索帶, #樂壇非法集結 #歌手點解冇證 #全部賞花杏仁露 #橙旗」梁栢堅還指樂隊RB(RubberBand)是他心目中「我最喜愛的組合」,因為rb亦即「roadblock」,剛巧今年RB有冠軍歌《孤島人》,的確有機奪「我最喜愛的組合」獎。

網民都好關注叱咤能否順利舉行,紛紛留言:「歌手未入到去,popo已經封會展,好似LKF咁」、「個獎係攻擊性武器」,有網民就提出自己的妄想得獎名單:「2019年度叱咤我最喜愛的歌曲....《願榮光歸香港》」、「男:黎明(我唔理佢唱咩歌吖,就係黎明呢個名已經夠贏)女:何韻詩(聽《光明會》)如果冇就方皓玟(聽《願》)組合:Rubberband(聽《醒未》)#黎明來到#光復香港#全民覺醒#願榮光歸香港」叱咤頒獎禮的獎項以903播放率定勝負,可惜《願榮光歸香港》冇歌手唱冇上榜!

娛聞樂陪你走遍全球追星,即Like「娛果」FB 專頁!
BannerBanner