【失去的那7年】二汶無悔與Ellen拆夥:能夠識到佢已經無嘢後悔

更新時間 (HKT): 2019.11.22 06:00

2018年,我們失去了盧凱彤(Ellen)。2019年,兩個人的「at17」,變成林二汶的「at37」。

經過400多天時間洗禮,二汶將傷痛轉化為力量,更選擇於上月25日、37歲生日當天,推出第四張個人唱片。是巧合還是別有用心?

「生日出唱片,大家都會恭喜我出唱片,然後又會祝我生日快樂,同埋唱片大賣;集氣好重要,而且覺得生日係要做啲嘢!」二汶笑着說。

二汶加盟Sony Music後首張推出的唱片《初音The Beginning of Sound》,籌備足足兩年,合作的創作人亦似乎是最強勁一次,二汶點點頭將合作單位逐個數:林夕、黃偉文、于逸堯、林一峰、周耀輝、6號@RubberBand、藍奕邦、林家謙、馮穎琪、梁栢堅、Jerald、Kiri T、Perry Lau、Dipsy Ha及Bert,陣容鼎盛。

然而,在唱片籌備過程中,二汶經歷人生巨變,那就是拍檔兼死黨盧凱彤(Ellan)離世。問二汶本來有否安排Ellen在這張唱片擔當一角?她隨即搖搖說:「無啊!上次一齊寫《at17 reunion》嗰首歌……係囉呵⋯⋯我有幾隻唱片都有用佢嘅創作,《On The Go》入面《危險動作》佢寫詞、《do you love me》寫曲。」不過,二汶認為Ellen縱使不在身邊,但從沒離開過她。

二汶和Ellen曾經拆夥,至前年才合體舉行演唱會。Ellen離世,不少人認為她們失去寶貴7年很可惜,但二汶卻沒有這種想法:「冇,其實冇任何一樣嘢有後悔冇同佢一齊做,因為能夠識到佢,我已經無嘢後悔,我哋唔一齊做嘢都係好好朋友,有一齊做嘢係bonus。」

二汶續謂:「唔會因為做多一件(事),做少一件(事)影響遺唔遺憾,只係而家有啲嘢唔能夠同佢直接分享……我唔知呢,或者佢而家嘅狀態係我未寫嘅歌佢都聽到呢,佢而家唔限制於身體,只係無得即刻聽到佢點講,無得即刻聽到佢笑、睇住佢點聽歌係以後嘅遺憾,但我覺得我哋冇做漏啲乜嘢,我哋之間一齊可以做嘅嘢,我哋冇做漏啲乜嘢。」

說到Ellen的好,二汶總是滔滔不絕,亦真的相信這位老友從未離開,「無論佢(Ellen)喺唔喺度,佢都係一個好出色嘅音樂人,同埋佢留咗好多嘢喺度,有好多我從來都係想攞,都希望有啲作品係一齊做,係有寫落啲歌,有寫落啲demo,上次佢香港嗰個show,有一個demo一齊寫,我都會考慮modify一下。雖然佢唔再做創作啫,但佢留咗好多嘢未發表,希望樂迷可以一路聽住佢嘅音樂,就好似佢從來都同我哋一齊。」

外表堅強的二汶,自Ellen離開至今,縱使不開心,似是刻意把情感收起,很難在她臉上看到喜怒哀樂。那是否和天蠍座的性格有關?二汶聞言終於放聲一笑:「我上星(星座)係雙魚,告別天蠍⋯⋯幾大改變。」

二汶承認過往不大喜歡將感情表現出來,因為不想被人看見自己流淚,她直白地說:「唔係好鍾意隻眼濕,尤其化咗妝流眼淚會好灰,但而家覺得開心、唔開心都無所謂,天蠍座同雙魚balance咗!」

笑指雙魚座有點固執,天蠍座卻記仇,那麼她⋯⋯二汶即搶答:「我記仇㗎,但唔係好好記性,亦發覺自己揀嚟記嘅嘢越來越少,好似唔記得今日食過乜,噚日做過乜,每日都喺嗰個moment,後面嘅嘢亦唔會特別諗,前面嘅嘢唔會特別記,所以連仇都唔會特別記。」真正活在當下!

娛聞樂陪你走遍全球追星,即Like「娛果」FB 專頁!
BannerBanner