【明年入行20年】林二汶望與年輕樂人合作 唔想脫節做上一代歌手

更新時間 (HKT): 2019.11.22 06:01
攝影:沈健程

「而家做新人好難呀!」

林二汶明年入行20年,笑言每次聽到這番話都覺得好好笑,事關當年入行已經有前輩向她和盧凱彤(Ellen)說:「你哋唔好彩,正值唱片業滑落先入行。」想不到,原來低處未算低!

當年入行只有16歲,二汶憶述:「其實我哋(她和Ellen)冇試過好風光,但又冇乜風浪,好嘅又冇去過最top,差嘅又係咁做,但係以前出第一張唱片都有2萬張,都有個萬字⋯⋯」

二汶過往受訪,曾表示為了堅持創作夢而要身兼多職,因為有收入才能維持生活,但其實二汶涉足的工作,基本上都是她喜歡及有興趣的。談到音樂以外最喜歡的工作是甚麼?二汶秒速回答:「最鍾意錄V.O.(旁白),因為快靚正!」她補充:「其實係好好嘅練習,過程會學到唱歌,好多時15秒要講70隻字,咁多information,點樣字正腔圓將啲嘢吐出嚟而唔覺得突兀,係好多工夫,所以練習過,對唱歌好有幫助。」

說到來年的計劃,二汶坦言希望開紅館騷,但紅館要一年前申請,換言之即使現在申請成功,也要明年年底才能開。二汶說:「認真講,係想幫一啲年輕、想有作為嘅製作人,都要坦白承認出大碟呢個模式,已經唔係最時髦,而家聽歌聽單曲或榜,但係音樂依然係被需要,我希望可以同新嘅音樂人合作,有啲嘢佢識我唔識,有啲我識佢唔識,大家可以交流,我唔想變成已經脫節嘅上一代歌手,希望與時並進,交流應早啲開始。」

娛聞樂陪你走遍全球追星,即Like「娛果」FB 專頁!
BannerBanner