【男友冇送禮物】何雁詩生日希望大家出入平安:而家竟然係最重要嘅事

更新時間 (HKT): 2019.11.22 23:25

魔術師甄澤權(Louis)獲頒2019年傑出青年獎,晚上Louis在尖沙嘴設宴慶祝,招待大班好友,包括何雁詩、林盛斌和陳庭欣等,Louis接受訪問時表示完全沒想過會得獎,而獲獎後會多做慈善及公益活動回饋社會,他說:「因為我好遲先學魔術,啱啱開始嗰一、兩年收入好穩定咁低,惟有成日匿喺屋企練習,當時女友即係而家嘅太太已經好支持我,最想多謝係佢哋。」

至於何雁詩就以一襲大deep V連身褲現身,她笑言事前沒想過會這樣性感:「件衫我online買,睇相個女model着起上嚟個V冇開得咁大,可能唔適合太矮嘅人着,即係我。」講到和男友鄭俊弘早前生日,兩人只和朋友食飯,未有特別慶祝活動,亦沒有送禮物,她說:「佢冇送畀我呀,反而佢生日我特登訂咗個蛋糕畀佢。」

問到何雁詩生日願望是否盡快和男友拉埋天窗,她說:「呢啲嘢唔使願望,正常遲早都會有,反而真係好希望大家出入平安,安安全全。而家竟然係最重要嘅一件事。」講道大台早前破天荒取消台慶直播,改為錄影播放,問到稍後舉行的勁歌金曲頒獎禮可擔心會遇到類似情況?何雁詩表示:「暫時冇聽到有咩消息,不過如果真係冇心情睇,改為低調咁做都係一個方法。」

娛聞樂陪你走遍全球追星,即Like「娛果」FB 專頁!
BannerBanner