【高以翔猝逝】方力申8月曾一齊打籃球 慨嘆人生無常

更新時間 (HKT): 2019.11.27 14:29

方力申(小方)今日在尖沙嘴出席聖誕活動,他透露聖誕節未有約會,笑言想多認識新朋友:「之前練游水識咗一班外國朋友。美女?有,但我都唔係淨係睇美女,識外國人都好,可以練吓英文,我啲英文都進步番少少,曾經係大學程度跌咗落去初中程度,而家去番高中。」問到能否接受與外國女仔拍拖?小方說:「ok,最怕係家庭觀念唔一樣,我驚屋企人傳統,因為外國人好興叫名,不過我父母冇英文名,佢嗌唔到。」

小方表示雖然完成環島游,但現時仍有練水:「我用咗好長時間去重拾,唔想咁快放棄,因為我之前冇諗過我會游番水,只係有呢個慈善挑戰,所以先游番。」有沒有下個游泳目標?他說:「冇乜太大目標,但今次放低少少自我,我可以參加比賽係志在參與,唔一定要贏。」

對於台灣藝人高以翔拍攝大陸一個考體力的競技節目時猝死,小方表示人生無常:「8月份先同佢一齊打籃球,因為林書豪有個慈善賽喺廣州,佢仲幫我拍咗環島泳嘅宣傳片,所以非常可惜;佢絕對係健康嘅人,食嘢好健康,我哋一齊食嘢,佢都係食菜、食沙律先,佢係我好多身邊女仔嘅男神,真係人生無常。」他寄語不論甚麼年紀的人,都要進行深層的身體檢查。

提到藝人經常要捱更抵夜工作,體能或者不太好,接工作時是否要謹慎一點?小方說:「我真係唔知,因為而家經常有心臟隱性病,之前有港隊成員都有,所以我上次游水都有檢查心臟,因為我細個有心律不齊,而且游環島游期間,我心跳得好快,嗰刻我好驚,即刻減慢速度。」

採訪:黃曉妍、攝影:陳俊強、馮嘉銘

娛聞樂陪你走遍全球追星,即Like「娛果」FB 專頁!
BannerBanner