【剩低幾多人?】亞視又再大裁員 高層解釋轉營及重整員工架構

更新時間 (HKT): 2019.11.27 19:05

亞視去年1月以OTT網絡平台復活,復播初時尚算有頭勢,可惜過去一年屢傳亞視財困,繼上月亞視將原有約130多名員裁走約50人,及亞視拖糧和沒為員工供強積金後,今日亞視又傳裁員消息。

據了解,本身不足10人的製作部將會 「摺埋」,全部員工被解僱,有員工向《蘋果》爆料,有月薪3萬以上員工已3個月沒糧出及公司沒有供強積金,同時也有消息指亞視裁走大部份員工,由原來不足80人炒剩得20人,每部門只餘3至5人留守,OTT部門則炒剩1人。

亞視本月2日才舉行完《2019亞洲小姐香港區決賽》,羅思雅、張雯和范莎莎分別奪香港賽區冠、亞、季軍,下月再舉行全球總決賽,如今亞視大裁員,不禁令人聯想到亞姐會爛尾。記者致電亞視行政總裁何麗全了解,但未有回覆。亞視製作及藝員部高級經理李子頌被問到裁員一事時就表示:「我知道有同事今日收到解僱通知,公司會根據僱傭條例去安排,不過呢個通知唔會即時執行,喺呢個通知期間,佢哋都會繼續執行職務,據我所知仲會陸續發信,所以暫時都未掌握都確實數字,而喺呢段期間,公司都會進行重組,到時公司會轉營,亦會重整員工架構,當重組完成咗之後,有部份員工將會重新聘請。」問到亞姐舉行情況時,李子頌說:「今年亞洲小姐有一個大中華區嘅總決賽,會喺12月15日舉行,而28日會做全球總決賽,呢兩個比賽會喺上海舉行,今次我哋畀咗一個國內嘅承辦商去舉辦呢個活動,我哋都等緊佢哋update進度。」

記者致電亞視香港賽區冠軍羅思雅,對於亞視再裁員,她說:「呢件事我暫時未聽過,我都唔知,亦都唔知任何呢方面消息,我自己event活動都係一切如常,暫時都冇乜嘢擔心嘅。」

採訪:陳杰、卓寶花

娛聞樂陪你走遍全球追星,即Like「娛果」FB 專頁!
BannerBanner