【少一票唔緊要】姜濤爭叱咤最喜愛男歌手 阿媽嫌煩唔投票

更新時間 (HKT): 2019.11.29 16:30

新鮮出爐的「叱咤樂壇我最喜愛的男歌手、女歌手、組合」的最新5強走勢剛剛公佈,入圍的男歌手有周國賢、姜濤、張敬軒、許廷鏗與陳柏宇,而MIRROR亦順利入圍最喜愛組合5強,今天MIRROR成員Tiger、Lokman、姜濤、Ian與Jer一同到商台宣傳新歌《Reflection》,提到能夠入圍最喜愛男歌手,姜濤說:「真係好開心,因為冇諗過自己或者團隊可以入到圍,其實入到圍表示有一定嘅人聽我哋嘅歌,開心嘅原因係希望有更多嘅人知道我哋係邊個。」問到他可有信心奪獎?姜濤說:「順其自然啦,因為希望越大可能失望越大,咁不如順其自然啦!畢竟係一個新人,呢一年裏面已經好好,入到圍都已經算攞咗獎。」問到姜濤可有向家人拉票?他笑說:「我阿媽唔識點投呀,佢哋想投,不過投投吓話唔識,又話咁煩㗎,咁我就話由佢啦,少佢1票唔緊要。」

團隊入圍了最喜愛組合的5強,隊長Lokman說:「其實係開心嘅,除咗入圍之外,我哋仲可以有得入叱咤,有得入去已經係一個認同,除咗我哋之外仲有ERROR喺7強裏面,如果大家都可以入到5強嘅話可以16個人一齊就真係好開心。其實今年同上年好唔同,上年好似我哋係買飛入場睇嘅觀眾咁,今年大家都覺得參與度高咗,好似真係關自己事咁樣,所以心情雀躍多少少。」可惜,ERROR在7強止步。

而Ian亦入圍最喜愛男歌手,同樣7強止步,Ian說:「入到圍係受寵若驚,因為名單上面都係一啲前輩,所以自己都冇諗過會攞啲咩獎、行到幾遠,行到呢步已經好感恩。」

說回新歌,他們指新歌是為出道1周年而特製,勁歌熱舞,還特意到台灣拍攝MV,拍攝期間為慶祝入行周年,他們總動員吃火鍋慶祝。而為了新歌的勁舞,他們均謂要好好練氣,Ian更笑言是最落力一個,他要積極操弗,皆因拍攝中的新劇要不停除衫騷肌,閒時更會向隊員展示操練成果。

另外,姜濤的19歲中英混血表妹Angelina Dean(楊佳琪)參加《溫哥華華裔小姐競選》小姐,準備加入娛樂圈,姜濤說:「係,希望佢可以攞到好成績,都有同佢傾過,都好戥佢開心,佢都靚,性格非常好,祝佢順利。」

採訪、攝影:羅慧敏

娛聞樂陪你走遍全球追星,即Like「娛果」FB 專頁!
BannerBanner