【三代同堂】邵音音揚威波蘭電影節流熱淚 90歲母親質疑「假喊」

更新時間 (HKT): 2019.12.01 18:10
(FB圖片)

69歲的資深女演員邵音音近日驛馬星動,今年10月到美國洛杉磯參加格倫代爾國際電影(Glendale International Film Festival),並憑短片《老奶奶與無名子》獲得短片組別的最佳女主角。昨晚她再憑該片在波蘭電影節中奪得「外語片最佳女主角」獎項,這次音音姐的90歲母親及囡囡都有同行,頒獎禮後更展開三代同堂東歐之旅。

音音姐今日都有把昨晚頒獎禮上的靚相貼到facebook,穿上花花長裙晚裝的她合不攏嘴,母親及囡囡都擁着她合照,大晒溫馨。音音姐今日接受《蘋果》訪問時說:「冇諗住攞獎,大會邀請我咪嚟吓,估唔到拎到獎,梗係開心。呢次係我第一次去波蘭,呢度幾凍,但都好好玩。今次特登叫埋媽咪同囡囡一齊嚟玩,三代同堂。」昨晚的頒獎禮上,音音姐笑言獲獎一刻有喜極而泣,她說:「我媽咪見到,佢竟然問我『你哋演員,啲眼淚係咪真㗎?』我答佢唔係假喊呀!」

娛聞樂陪你走遍全球追星,即Like「娛果」FB 專頁!
BannerBanner