【黎小田病逝】陳敏之感謝教導同鼓勵 胡諾言學到要求高終生受用

更新時間 (HKT): 2019.12.01 12:00

音樂人黎小田今早病逝,終年73歲,他生前與薛家燕、陳敏之和胡諾言等合作主持無綫節目音樂節目《流行經典50年》,陳敏之和胡諾言兩位後輩首次跟黎小田合作,他們異口同聲表示獲益良多,兩人早前也有到過醫院探望留院的黎小田。

對於黎小田離世,敏之今日回覆傳媒,她傷感說:「很傷心....難過,好唔捨得,懷念跟他一起開《流行經典50年》的日子,永遠懷念小田哥。」問到可有甚麼深刻回憶?她續說:「以前同小田哥、家燕媽媽、胡仔喺司儀房嘅時候,家燕媽媽同小田哥同我哋細說當年趣事,佢係一個很幽默風趣嘅前輩,十分感謝佢對我嘅教導同鼓勵。」

胡諾言今日也回覆傳媒時說:「我都係今朝睇新聞知道呢個消息,真係好唔開心,始終半年前,我同敏之、家燕姐同小田哥一齊合作做過《流行經典50年》,嗰段時光係美好,好值得懷念,好唔捨得佢,我作為後輩,可以有機會同佢合作,睇到佢對音樂嘅熱誠同執着,要求好高,呢樣嘢令我以後做嘢終生受用,希望佢屋企人節哀順變,至於佢嘅病情,我唔透露了。」

娛聞樂陪你走遍全球追星,即Like「娛果」FB 專頁!
BannerBanner