【擔心過取消】鄧小巧祝福香港能建立烏托邦 流淚表示在19年開騷困難

更新時間 (HKT): 2019.12.02 10:24

近來多位歌手因社會政局不明朗下取消音樂會,鄧小巧在烽煙四起下,昨晚如期在旺角舉行,準時8時開騷,鄭欣宜、許廷鏗、林欣彤、RubberBand 的6號和泥鯭和家人等來捧場。

鄧小巧於台上感觸分享,流淚表示在2019年做一個音樂會比想像中困難、忐忑,擔心過取消:「多謝團隊保持信念,多謝觀眾們喺咁嘅時勢、咁嘅心情下仍願意嚟聽我唱歌,我哋有擔心過會唔會取消,但喺乜嘢情況下要取消?開會時期,(外間)好多事發生,好多火焰,好多眼淚,同事幫我重拾心情。」音樂會演出至尾聲,旺角一帶已佈滿防暴警察,觀眾並沒有提早離場。臨完騷時,鄧小巧祝福香港能建立烏托邦,祝大家回家路上小心。觀眾立即在場大叫口號「光復香港、時代革命」、「五大訴求、缺一不可」等。

藍奕邦休養中為老友擔任表演嘉賓,他台上突然笑問觀眾:「你哋覺唔覺得間中出街有陣臭彈味?」鄧小巧即扯開話題指自己家附近有牛屎味。之前因病停工的藍奕邦,感激鄧小巧不離不棄:「我病咗4年佢用歌養我,成日諗住我個加拿大戶藉,不如我哋假結婚啦!」隨即二人擁抱,他笑言相片將來見移民官時作證據,之後二人合唱《強弱》。另外,有約5分鐘新心靈環節表演,先播出鄧小巧聲帶帶領觀眾進行冥想,再有頌缽表演。

完騷訪問時她坦言不論大小活動舉辦時也很艱辛,有些需要取消,數星期前社會狀態不好,她曾作最壞打算:「但係就諗係咪要放棄自己追求嘅事,喺呢個時候更需要堅持自己想做嘅同責任去做嘢,歌迷都叫我唔好取消,需要空間釋放下,讓佢哋暫時忘記煩惱。」另外,她稱邀請藍奕邦做嘉賓並非幫助對方回歸,很久前已構思想跟對方合唱:「台上望住佢時覺得自己好似阿媽望住個仔,好有慈母感覺,阿仔好番嘅感覺,我同佢好老友,叫佢爸爸做老爺,」

娛聞樂陪你走遍全球追星,即Like「娛果」FB 專頁!
BannerBanner