【做人沒完美】陳瀅變肥叫人睇埋入面 讚陳卓賢聲音溫柔有吸引力

更新時間 (HKT): 2019.12.04 19:45

陳瀅和MIRROR成員陳卓賢(Ian)、黃百鳴及陳淑蘭等,最近為動畫《魔鏡肥緣》擔任粵語配音工作,陳瀅和Ian皆是首次為卡通片配音,分別聲演公主與王子,陳瀅笑說:「不過我呢個公主有啲特別,佢係一個肥妹仔嚟,即係好似我咁肥嘟嘟,只有着咗對魔法高踭鞋先會變靚。我覺得自己平時做嘢就係着魔法高踭鞋嘅時刻,出嚟見大家要靚啲,但做人唔可以只睇外表,都要睇埋內在。」

Ian配音時非常投入,邊配邊手舞足蹈,一改平日斯文形象,他表示自己聲演的王子係與別不同:「我個角色叫馬林,因為受到詛咒,喺其他人面前我會變成綠色小矮人,唔係傳統上有型靚仔嘅王子。」陳瀅就稱讚Ian的聲音吸引:「佢扮綠色小矮人時把聲好高好嘈,但做番王子時,把聲真係有王子feel,好溫柔,我都有畀佢吸引到。」

黃百鳴聲演一塊老奸巨滑的魔鏡,而蘭子就聲演公主後母,一個為了魔法高踭鞋不擇手的惡毒女巫,蘭子說:「我都係第一次配音,個角色鍾意靚又怕老,哈哈咪即係我囉。」

娛聞樂陪你走遍全球追星,即Like「娛果」FB 專頁!
BannerBanner