【最緊要開心】廖碧兒設宴 邀舊愛出席製造復合機會

更新時間 (HKT): 2019.12.05 21:18

廖碧兒(Bernice)發展紅酒事業,今晚在尖沙嘴設宴,慶祝其紅酒品牌成立10周年,其富二代舊愛盧啟賢、岑麗香及朱鑑然亦有出席。有傳與舊愛復合,Bernice指對方一直是好朋友,一直有聯絡,Bernice說:「只係大家話我哋冇聯絡。」對於復合機會,她說:「唔講嘞,最緊要大家開心。」對於現時感情狀況,Bernice說:「女仔有人追當然開心,做藝人都需要桃花。」她表示一月會返加拿大,聖誕可能陪爸爸。另外,Bernice的左腳腳趾受傷,她解釋日前要出席比賽做品酒評判,出發前在家不慎踢到鐵架,兩隻腳趾受傷流血,要待完成比賽再去醫院照X光,她說:「而家兩隻腳趾紮埋一齊,站着影響不大。」

岑麗香與老公強強結伴出席,有報道指她搬往干德道豪宅,香香說:「係搬咗屋,邊度唔講。」香香即將為一齣電影開工,是她產後第一項長時間工作,她說:「要做好心理準備,因為唔捨得離開囝囝吳主軒(Jacob),要練習同佢分開,用視像溝通,好在佢乖,個個人都跟,屋企有人幫手就可以。」完成電影拍攝後又要開新劇,對於有否時間追多個仔,香香笑說:「而家想三人世界先,都會想追多個,但會遲啲先。」

採訪:張明、攝影:林賓尼

娛聞樂陪你走遍全球追星,即Like「娛果」FB 專頁!
BannerBanner