【步入少女時期】琦琦抗拒談15歲囡囡拍拖事 大讚又乖又純品

更新時間 (HKT): 2019.12.05 19:41
(攝影:沈健程)

楊茹庭(Sean)的鮑魚專賣店今晚於中環開幕,邀得琦琦、傅明憲、陳綺明、王賢誌及龐景峰等好友出席。再次榮升老闆的Sean改名楊茹庭,她笑謂:「亭亭玉立呀嘛,其實係爸爸識咗個師傅,覺得我改名會好啲。呢個名都改咗7、8個月,開心咗同埋啲嘢都順利咗,我所有證件都改晒呢個名。」

蜜運中的Sean透露感情生活很開心:「啱啱先同埋屋企人去日本旅行,所以聖誕我哋會兩個去。聖誕一定會送禮物,今年可以送鮑魚。」趁機宣傳自己的鮑魚生意。至於會否再婚,Sean坦言暫時不會考慮,希望待感情再穩定點再想。

琦琦女兒任晴佳平安夜生日,她表示會去滑雪過聖誕並慶祝生日:「華哥(老公任達華)都會去,不過佢不嬲都唔太鍾意滑雪,怕整親會影響康復進度。」她笑指華哥每年都盡量安排聖誕及除夕放假,因為女兒生日:「阿女生日佢一定要陪,我生日就……我喺屋企冇地位嘅。」

提到早前任晴佳為雜誌拍攝封面,琦琦表示希望女兒能享受拍照:「佢唔鍾意影相,不過影相真係畀到好多回憶,佢去旅行都唔鍾意影,不過而家都會配合吓。」女兒生日將踏入15歲,記者笑言步入少女時期,問琦琦會否擔心女兒拍拖?她即抗拒表示:「no no no,唔好提呢啲,佢好乖、好純品,唔好講呢個topic。」

娛聞樂陪你走遍全球追星,即Like「娛果」FB 專頁!
BannerBanner