【娛講Video Talk 2】陳潔玲Party room兼當實體店 賣女性私用品開源

更新時間 (HKT): 2019.12.05 20:30

選美出身有「翻版陳妍希」之稱的陳潔玲(Christy),日前和黃宇詩、鄧洢玲,現身《蘋果》自家節目《娛講》Video Talk,以老闆身份分享如何逆境自強。

陳潔玲在觀塘經營兩間Party room,因為早前港鐵經常關站,令生意大受影響,她說︰「啲客人嚟唔到,尤其係11月好多客寧願撻訂,都取消預約,所以生意跌咗五成。」Christy表示慶幸大部份員工都是兼職,只有一名經理負責市場營運,所以沒有太大人工負擔,但長遠來說仍要控制成本。但她表示其中一間已成功爭取到業主減租,下一步會由多元化入手,她說︰「其實目前都會兼賣啲女性好貼身、私處用品同做對沖,諗緊可以將現有party room做倉或者交收地方,善用而家個舖位。」主持陳約臨就提議可以跟黃宇詩經營的內衣生意搞crossover。

娛聞樂陪你走遍全球追星,即Like「娛果」FB 專頁!
BannerBanner