【大Fred的愛】密友胡鴻鈞傳新戀情 許廷鏗稱感覺似斷腳

更新時間 (HKT): 2019.12.10 19:49

許廷鏗(Alfred)今年在樂壇成績不錯,當得知頒獎禮陸續宣佈取消後,他也感到可惜,身邊的朋友更替他不值,因為無緣上台領獎,惟有下年繼續努力,暫時原定頒獎禮檔期巳洽談其他工作中,預計跨年檔期會出埠工作賺錢。同性密友胡鴻鈞(Hubert)被爆跟蔡思貝撻着,Alfred受訪前預計會被問此事,即笑指頭痛,問他是否因「失戀」而頭痛?他笑說:「頭痛係冇咗隻麻雀腳,而家我斷咗腳,牌品好嘅麻雀腳難求,雖然Hubert牌品都係一般,而家我最重要係誠徵麻雀腳。」

講到打牌時有否乘機跟Hubert傾談心事,Alfred指上場無父子,兩人打牌甚少傾心事,所以不知Hubert與思貝的戀情真偽。他爆肚說:「最近天氣凍,唔少朋友都有新戀情,可能要多啲溫暖,不過我仲係單身,而家搵麻雀腳緊要過拍拖。」早前在網上宣傳新歌歌詞,卻被網友過份解讀為是抒發「失戀」情緒,他無奈說:「我知有人想像力好豐富,對我同Hubert好多FF(幻想),我仲知道佢哋另外有個群組叫《大Fred的愛》,相信啲謠傳係由嗰個群組傳出嚟,講到似層層,我就得啖笑。」當問到會否祝福兩人?他哈哈大笑說:「都係,仲可以點!大家開心就得。」他表示私下少見到思貝,最後無奈再補充句:「唔知答乜好,唔好搞我,其實我做音樂。」

對於好友Alfred被「失戀」,鬼馬的鄭欣宜指失戀的先決條件是拍拖,當得知有傳Alfred與Hubert同性密友關係,欣宜道:「我唔知,我只係知道我同許廷鏗關係好似單戀咁,當佢有嘢做出碟時候就唔搵我,好無良心呀。」再得知Alfred 現四出誠徵麻雀腳?欣宜說:「我識打,亦好鍾意打麻雀,要搵又唔搵我,嬲呀,係佢教我打㗎。」欣宜指當年媽咪打牌太叻,一直好抗拒學,更費解為何一班人可以如此恐怖坐定定幾個鐘唔郁,但當學識後就明白為何點媽咪揀麻雀不揀她。問到欣宜可會為Alfred 介紹另一半?欣宜說:「我搞掂自己先,叫佢介紹畀我先啦。」早前謝婷婷帶女兒返港,欣宜說:「我唔喺香港,啱啱返咗加拿大探親,唔知唔好問我。」欣宜透露有見過BB女,婷婷也不時在網上更新相片,始終是開心事,問到可有衝動生BB?她斷言:「對呢樣嘢我完全冇含蓄過,長期衝動。」

採訪:馬建華  攝影:陳慧安

娛聞樂陪你走遍全球追星,即Like「娛果」FB 專頁!
BannerBanner