【未克服時差】恭碩良呻年紀大適應力變差 聖誕飛澳洲探望爸爸

更新時間 (HKT): 2019.12.11 21:30
攝影:馬建華

剛剛從芝加哥飛返香港,仍然未能克服時差問題的恭碩良,今晚到新城為頒獎禮拉票時,第一句便說「早晨」,他笑言可能年紀開始大,身體適應能力變差,經已專登早點睡,但奈何到半夜三點便起身。

恭碩良早前開完音樂會後,原先計劃想放假,但被社會氣氛影響,令他決定整個十月都在錄音室寫歌,他說:「做好自己本份,音樂人都係創作音樂,加上好多留意我音樂嘅人,都鍾意我唱廣東歌,咁個個想佔領其他地方時,都要有人睇自己市場,加上我唔係國語人。」

稍後聖誕節期間,他決定飛往澳洲探望爸爸,他說:「佢開始講啲古怪嘢,又話有咩嘢就留晒啲結他畀我,佢咁樣講,要返去見下,陪下佢,暫時定咗聖誕喺嗰邊,至於會否留埋新年就要睇之後巡迴演唱會安排。」他透露二月底會到澳門開騷。

採訪、攝影:馬建華

娛聞樂陪你走遍全球追星,即Like「娛果」FB 專頁!
BannerBanner