【閒時陪孫玩】葉麗儀百無禁忌 自爆已安排身後事

更新時間 (HKT): 2019.12.11 15:15
(攝影:盧妹)

葉麗儀(Francis)今日以大使身份到沙田出席「1000個善寧家庭」資助計劃啟動禮。善寧會為晚期病者及家人提供支援,亦置有院舍照顧病者的生活,Francis的奶奶亦是寧養服務的受惠者,她以過來人身份分享:「奶奶當時患咗大腸癌,醫生都話冇嘢可以幫到佢,所以提議我哋帶奶奶返屋企。當時政府都有送咗病床畀我哋,亦每日有醫療人員嚟照顧奶奶。啲孫嚟睇佢,覺得佢好正常,呢段時間對我哋全家好珍貴,喺香港做到呢點真係好困難。」

向來與家人感情很好的Francis,分享期間亦有點感觸:「英國人對感情好保守,唔係咁容易講出口,但係完咗奶奶葬禮,老爺好多謝我哋照顧奶奶,話呢世都會記住,其實我哋只係做我哋應該做嘅事。」

受訪時,她大讚善寧會讓家人與病者同在療養院同住,為病者提供很大的鼓勵,Francis亦透露早已安排自己的身後事:「我哋冇忌呢啲嘢。」剛剛在郵輪完成登台的她,趁秋高氣爽,特意多留香港一星期:「而家打波最好,不過啲孫放緊暑假,我都要返去(澳洲)同佢哋周圍去玩。」

娛聞樂陪你走遍全球追星,即Like「娛果」FB 專頁!
BannerBanner