【轉身份攞樂壇成績表】On仔沖涼預習致謝辭講到喊 考慮網上謝票

更新時間 (HKT): 2019.12.11 18:42
(攝影:馬建華)

自從組合C AllStar休團後,今年是陳健安(On仔)首度以個人身份角逐樂壇頒獎禮獎項,他今日親身去到新城拉票,仍然未真正感受到頒獎禮的氣氛,所以未知跟以往以組合身份參與時的分別,不過最感恩是今年推出的專輯能夠獲各大平台接納,成功取得頒獎禮的入圍入場券,他說:「我其實有睇晒網上所有樂評同留言,差不多全部都好正面,可能有啲係主觀意見話可以唔使咁高音。」

從上月開始在網上看到留言指他已成為心目中的男金,簡單的幾隻字已經令On仔好開心,問到沒有實體頒獎禮會否感到可惜?他說:「有諗過喺台上畀fans尖叫3秒,我覺得係時代轉變,究竟冇實體頒獎禮,轉為網上投票會點,或者我都可以化妝着靚衫喺網上講謝詞。」他自爆曾在家沖涼時幻想得獎,再講謝詞,更講到喊。

採訪、攝影:馬建華

娛聞樂陪你走遍全球追星,即Like「娛果」FB 專頁!
BannerBanner