【母女檔】陳復生拍節目狂食 麥景榕爆阿媽肥咗好多

更新時間 (HKT): 2019.12.12 17:34
(攝影:陳慧安)

陳復生與女兒麥景榕(Michel),今日到金鐘出席資訊節目《復興新生系列·和風零食》試映會。陳復生擔任節目監製,Michel擔任節目主持,二人早前去到日本不同的食品廠,探究當地零食及營商文化。陳復生表示,聽到零食已經開心,她隨攝影隊去到當地,每日都嘗口福,她說:「成個攝影隊都好開心,除咗零食,每間廠嘅社長都好客氣,夜晚都請我哋食和風美食,自己都肥咗10磅。」

本身修讀法律,正在實習的Michel,對自己擔任主持表現滿意,表示仍有進步空間,Michel說:「參觀咗7間廠,有好多試食環節,自己鍾意工作之餘有好嘢食,自己食完之後可以介紹給觀眾好開心,好在我食完可以行吓做運動,媽咪就肥咗好多,下次佢應該拍減肥節目。」Michel表示,經過今次見識到食品廠的成功及執着,自己亦有經營零食生意的衝動:「見到有老闆為咗完美產品,執着得似有少少強迫症。」

採訪:張明、攝影:陳慧安

娛聞樂陪你走遍全球追星,即Like「娛果」FB 專頁!
BannerBanner