【o氹死女】錢嘉樂演舞台劇狂爆肚 蝦頭大讚鬼馬又專業

更新時間 (HKT): 2019.12.13 18:01
(攝影:陳俊強)

袁富華、羅冠蘭、錢嘉樂、楊詩敏(蝦頭)、袁偉豪及黃智雯等,今日到大埔為下月演出的舞台劇《今晚打老虎》綵排。

錢嘉樂與蝦頭、袁偉豪與黃智雯分別於劇中有感情戲,綵排期間錢嘉樂與蝦頭不停爆笑,蝦頭受訪時大讚對方鬼馬又專業:「佢o氹得啲女仔好歡喜,有佢喺度帶到好多歡樂畀任何人。佢仲好快記晒啲台詞,真係好專業。」錢嘉樂則自爆經常爆肚:「不過冠蘭姐向來係唔會爆肚,佢成日叫我排嗰陣爆晒先,佢要mark低。」

錢嘉樂曾於電視劇中飾演王老虎,很高興可以搬到不同舞台演出:「之前電視有重播番,伊健(鄭伊健)有睇呀,呢個劇本係幾好玩嘅,我都想延續啲開心畀觀眾。」提到陳鍵鋒曾表示當年於劇中扮女人是污點,錢嘉樂讚他扮女裝靚,這次由袁偉豪扮女人,笑言對方是健康膚色的靚女。問到錢嘉樂屆時會否邀請老婆湯盈盈及女兒到場?他笑謂:「佢夠膽唔嚟?其實我最想個女嚟睇,因為爸爸難得做舞台劇。早幾日我先去睇大女表演唱歌,希望可以互動支持。」他又表示不擔心演出受社會氣氛影響,認為總需要有人娛樂大家。

袁偉豪與黃智雯再演情侶,劇中更有辣身舞演出,黃智雯說:「其實我最想排係嗰part,同佢跳,大家好有默契,唔會有尷尬。」她又爆袁偉豪早前操肌,訪問期間遊說對方於劇中騷肌,笑言要享用他的肌肉,袁偉豪說:「我騷你個頭呀。」

採訪:盧妹、攝影:陳俊強

娛聞樂陪你走遍全球追星,即Like「娛果」FB 專頁!
BannerBanner