【大陸勁多負評】黃泆潼否認自我滅聲 顧家人感受不欲再提婆婆離世

更新時間 (HKT): 2019.12.14 18:40

羅霖今日以仁美清叙會顧問兼主席的身份,與成員包括莊端兒、程瑤和陳綺明等人在在銅鑼灣出席聚會。羅霖近日客串拍劇,她透露除了要在10幾度氣溫下扮屍體浸在浴缸內個多小時外,劇中又要被張國強狂摑,羅霖指因對方用真力,打到面腫又痛:「試戲時佢話會錫住我,點知拍時真係打,連摑我6、7把,好彩我啲眼耳口鼻係真。但我冇嬲,因為佢好專業令我入戲。」

日前黃泆潼痛失婆婆,在個人FB寫「TG帶走了婆婆」,她指心情已平伏,多謝朋友們關心。面對持續半年的逆權運動,巿民有苦無路訴,承受着警察瘋狂在各區發射催淚彈遺留下來的殘餘物生活,黃泆潼不願多談外婆過身一事:「我只係喺私人Facebook寫咗一句,冇諗過被Cap圖變咗大新聞,傳咗上大陸收到好多負評,唔想再發大件事。」問到是否怕影響工作「自我滅聲」?她說:「唔係,我顧及家人感受,家中唔開心嘅事已好大壓力,社會氣氛緊張,家人最重要。」

採訪:王連連、攝影:仇志德

娛聞樂陪你走遍全球追星,即Like「娛果」FB 專頁!
BannerBanner