【童子姜】姜濤後悔承認是處男︰寧願當初唔出聲好過

更新時間 (HKT): 2019.12.14 14:07

憑參加《全民造星》一炮而紅的姜濤,剛剛更入圍商台「叱咤我最喜愛男歌手」最後五強,與張敬軒、周國賢和陳柏宇等前輩睇齊。日前姜濤接受梁泰來主持的《1圈圈 星光背後》訪問,講到曾於《全民造星》比賽期間承認自己是處男,他直言十分後悔﹕「唉!寧願當初唔出聲好過,冇諗過出道以嚟對我嘅問題都圍繞住呢啲嘢,我想大家關注我音樂同表演,唔想俾人標籤呢啲嘢。」

除自爆仍屬處男外,在節目中亦透露未拍過拖,原來中間有一個悲慘真相,他說︰「冇諗過呢句說話會放大,我可以話冇正式拍過拖,因為試過有個女仔我以為佢係我女朋友,點知佢只係夾埋其他人嚟玩我呢個肥仔,呢個經歷咪當自己冇拍過拖算啦。」姜濤話更希望有朝一日終可以有拖拍,並甜蜜地和女朋友拖手行街。

講到當年讀書時期曾是重量超過210磅的肥仔,於學校曾受同學欺凌︰「試過校內連續兩次『爆呔』,校工幫我縫好後再爆過,好難堪。」後來受偶像羅志祥影響,促使他下定決心減肥,先後參加過《快樂男聲》和《全民造星》,他坦言:「參加《快樂男聲》時,我已經好唔要面咁喺台上講要成為亞洲Superstar!」

娛聞樂陪你走遍全球追星,即Like「娛果」FB 專頁!
BannerBanner