【黎小田設靈】薛家燕神情哀傷弔唁 汪明荃懷緬舊事

更新時間 (HKT): 2019.12.15 19:23

音樂巨匠黎小田本月1日病逝,享年73歲,其家人今日於紅磡世界殯儀館為黎小田設靈,明早10時大殮儀式,隨即移奉歌連臣角火化。

跟黎小田認識逾半個世紀的好友薛家燕,今日下午一身黑色素服在細女陪同下到靈堂鞠躬,神情哀傷,未有接受傳媒訪問。

薛家燕是黎小田好友兼好拍檔,70年代二人主持麗的綜藝節目《家燕與小田》大受歡迎,之後二人拍攝亞視劇集《第三間電台》和無綫劇《皆大歡喜》,至前年二人為無綫主持《流行經典50年》,是圈中的金牌拍檔。

至於「阿姐」汪明荃晚上亦到靈堂弔唁,她在7時許離開靈堂時受訪說:「同小田識咗幾十年,頭先喺靈堂都係一班朋友圍埋一齊,我同陳欣健、岑建勳佢哋坐埋一齊,大家一齊懷緬吓,好似幾時識阿小田呀、同佢合作做過啲乜嘢呀,靈堂內播住一啲小田嘅作品同歌曲。(有冇去瞻仰遺容?)咁我就冇,不過小田嘅圈子係好廣闊嘅,音樂、電影、電視乜都有。」提到霍汶希(Mani)指靈堂內有蝴蝶伏在凳上,阿姐表示:「我啱啱到時冇發現到。」接着便上車離開。

娛聞樂陪你走遍全球追星,即Like「娛果」FB 專頁!
BannerBanner