【唔知幾時完】林秀怡受惠黃色經濟圈 否認被無綫打壓:係靜咗一排...

更新時間 (HKT): 2019.12.15 14:04

林秀怡、谷祖琳與兩個女兒及高皓正一家今日在圓方出席《超級無敵羊咩咩大電影之天外飛咩》首映,有指林秀怡因政治取向被無綫打壓,但今日仍見無綫派員訪問她,林秀怡說:「又未係打壓,係靜咗一排,近排公司都少開劇,用嘅演員都唔多,而家我自己拍下YouTube、多咗返餐廳幫手。」生意有沒有因社會運動影響?她說:「有呀,不過呢個影響要多謝大家嘅愛戴,生意好咗,好感恩,希望keep到落去。」提到香港人習慣分顏色生活,林秀怡即表示:「在社會嚟講,呢種風氣未必太健康,唔知會維持幾耐呢種顏色生活,希望快啲完結,快啲平息。」

林秀怡表示很想嘗試聲演工作,「我好想試吓配音嘅工作,但奈何冇人搵我,可能我懶音多,講嘢太心急,我要改善一下,要擘大個口講嘢。」

聖誕節將至,谷祖琳透露會與家人出埠遊玩,「每次旅行都係我哋一家、父母同老爺奶奶,兩邊襯家好friend,次次10幾人一齊去,因為有老人家,所以唔揀好凍地方,陽光海灘。」工作方面,谷祖琳表示會拍戲、甜品生意和湊女,不過一切以湊女為先。

娛聞樂陪你走遍全球追星,即Like「娛果」FB 專頁!
BannerBanner