【悼念陳星】特技公會出資搞追思 洪金寶停工回港送別:啲朋友買少見少

更新時間 (HKT): 2019.12.15 14:58

資深動作演員陳星今年九月在印尼於睡夢中離世,香港動作特技演員公會今日為他在尖沙嘴舉行追思會,陳星生前好友大哥大洪金寶、倉田保昭、錢嘉樂、錢小豪、麥德羅、邵音音、劉允及陳星太太等均有出席。會上播放陳星有份演出的武打片,大哥大洪金寶、倉田保昭及張同祖等於會上分享與陳星的相處點滴。

大哥大洪金寶原本在北京為新戲開工,特意為好友回港出席追思會,他說:「我18、9歲已經識佢,最深刻係拍《三德和尚與舂米六》,佢做男主角,我係武指,同佢合作好多,大家喺工作裡生活好長時間。」大哥大笑言自己「紮起」,因此兩人廿多年未有見面,但早幾星期兩人曾通電話:「佢仲話身體好好,聽到睡夢中離世好愕然,不過佢舒服因為佢冇痛苦,但係我個心就唔舒服囉。」

大哥大坦言年紀大,喜歡懷念過往:「大家喺同一空氣生活同生存,雖然唔係成日見,但係會有種掛念同思念嘅心情。大家以前一齊工作,有種感情喺度,而家啲朋友買少見少,我係好珍惜友情嘅。」他坦言由於身體狀況,未能經常與朋友應酬:「我身體負荷唔到,但係如果間中聚下就好好㗎喇。」

錢嘉樂代表香港動作特技演員公會,花了兩星期為陳星籌辦追思會,費用由公會負責。他今日與陳星太太齊齊受訪,錢嘉樂表示自小跟大哥大工作,而大哥大首部執導的電影,就是陳星擔任男主角,因此覺得自己與陳星有緣。

錢嘉樂指陳星近年在印尼定居,知道對方的遺願是很想回港見朋友:「陳星最好嘅朋友就係李小龍同洪金寶,所以我即刻打畀大哥大,大哥大都特登返嚟出席。今日好順利,都係星哥嘅福氣,好感恩,平時對人好,啲朋友就會返嚟,好似倉田保昭都喺日本飛返嚟。我成日話前輩們最厲害嘅唔係功夫,係情義。」

陳太對今日的安排非常滿意:「見到佢嘅朋友、親人、孫子全部都來了。」她透露陳星的遺願是完成在印尼的紀念館:「剛剛蓋好第一棟,總共有五棟,裡面會放他生前的東西,另外我們都是用來做善事,讓孩子來讀書、學中文。」

娛聞樂陪你走遍全球追星,即Like「娛果」FB 專頁!
BannerBanner