【好彩未用過】羅蘭姐曾經誤觸平安鐘 消防員、警員到門口應接

更新時間 (HKT): 2019.12.16 17:53
( 攝影:卓寶花)

鄧萃雯和羅蘭姐早在三十五年前首次合作拍劇, 近日再攜手合作擔任長者一線通代言人,羅蘭姐和機構合作長達23年,家中已安置有平安鐘,曾經試過錯誤接觸後來有消防員、警員拿著鐵筆到門口應接,羅蘭姐說:「平安鐘唔止救命咁簡單,但好彩真正未試過用。」

雯女即讚羅蘭姐叻女,並謂:「現時錯過黃金三小時容易失救,我試過拍劇唔夠瞓,喺廁所沖涼都驚自己跣親點算,因為我都係獨居,會考慮安平安鐘,因為屋企工人都唔年輕。我媽咪曾經都有平安鐘,但佢向我詐型,我邊有咁老唔使用,但而家我做咗大使就會叫佢用。」雯女主張平安鐘低齡化,並憂慮近年多年輕人突然猝死。

無線主席陳國強請辭,無綫將有人事變動,羅蘭姐和雯女稱不知道亦沒冇接觸陳國強,羅蘭姐更說:「唔知道,亦未見過佢,即使台慶又或某啲活動可能佢在場但冇機會接觸。」

攝影:卓寶花

娛聞樂陪你走遍全球追星,即Like「娛果」FB 專頁!
BannerBanner