【TVB變天】林穎彤孖譚嘉儀如常拉票 工作未受影響

更新時間 (HKT): 2019.12.16 17:05
(左圖攝影:羅慧敏)

歌手林穎彤(Bella)與譚嘉儀今天到新城為勁爆頒獎禮拉票,Bella日前率先取得新人獎,這是她人生首個音樂獎項,她笑言加入娛樂圈已10年,拿新人獎令她感到有少許尷尬,她更自嘲取了「老人牌」,Bella說:「我俾人笑呀,因為入TVB已經10年,已經攞咗老人牌,不過我當日唔得閒返去攞,我唔敢面對,延遲先攞。我仲有2星期新人做咋,就快又變舊人。」

提到未來大計,Bella指將推出快歌,並會跟伍富橋大跳拉丁辣身舞,問到可擔心大家的另一半呷醋?Bella尷尬說:「唔擔心,我哋當宣傳,跳拉丁舞係要有故事,唔會尷尬,要記實啲舞步。」問到是否公司下令不可談及私人感情?她說:「少啲講,你見我咁尷尬。」而聖誕節Bella將在港工作,並會參加兩個派對,她說:「已經準備咗兩份禮物參加party,都要諗吓送咩畀朋友,自己就想收到電話快速讀卡器。」

另外,譚嘉儀剛於洛杉磯開騷回港,她興奮表示這是她的處女騷,深受當地的氣氛感動,猶如置身大型舞台中,之後她又到了拉斯維加斯玩,她說:「我仲喺嗰度拍咗啲片,我係扮一個公主,同人影相,大家都好玩得,不過有人以為同我影相要收錢唔敢過嚟,我喺咁大嗌it's free,影完相就叫人subscribe我嘅YouTube,當係宣傳,好開心。」

而兩人同屬星夢娛樂,對於有傳無綫主席陳國強辭職一事,二人表示不太清楚,暫時工作上沒有任何影響。

採訪、攝影:羅慧敏

娛聞樂陪你走遍全球追星,即Like「娛果」FB 專頁!
BannerBanner