【識食識玩】家英哥IG Story轉貼傅嘉莉泳衣相 網民擔心:小心阿姐扭耳仔

更新時間 (HKT): 2019.12.16 19:11
家英哥和汪阿姐結婚10年,一直恩愛。(IG圖片)

72歲的汪明荃向來都緊貼潮流,除成為時尚達人,更是社交網能手,早前在Instagram自創「汪阿tag」成為一時佳話,人人都跟住潮玩手寫tag。而阿姐的另一半羅家英亦不輸蝕,去年亦有開設IG帳戶,雖然只有1,450位followers,與阿姐的82.1萬位followers有好大段距離。不過,家英哥向來識玩,出post口味都好多元化,與阿姐放閃之餘,又有粵劇介紹,有一定的追隨者。

今日連登仔就開post熱烈討論家英哥,事源他今日凌晨在IG Story分享一名穿上三點式的索女相,細看之下原來是大台花旦傅嘉莉在推介有份拍攝的節目《識玩旅行團》,有網民直言:「家英哥你真識食,小心阿姐扭耳仔」。不過此post在24小時後便會自動消失,睇完都不會留痕跡,有網民又多口問,如果要在汪明荃與傅嘉莉之間二擇其中,網民就覺得都是應該揀阿姐,皆因阿姐年屆72歲仍保養得宜,說話大方得體,家英哥真是沒有揀錯!

娛聞樂陪你走遍全球追星,即Like「娛果」FB 專頁!
BannerBanner