【衝出香港】姜濤進軍台灣拍偶像劇 爆肌Stanley都有份

更新時間 (HKT): 2019.12.17 18:45

ViuTV《全民造星II》日前圓滿結束,吳啟洋(Phoebus)、張天賦(MC)和李祉均(Oscar)分別奪得冠、亞、季軍。去年憑《全民造星》彈起的冠軍姜濤,獲安排與亞軍陳卓賢(Ian)、季軍楊樂文(Lokman)和江熚生(Anson Kong)、邱士縉(Stanley)、盧瀚霆(Anson Lo)、呂爵安(Edan)等組成12人男子組合MIRROR進軍樂壇,暫未知出爐三甲會否加入MIRROR大軍。

過去一年MIRROR成員分別獲安排參與電視台劇集和節目拍攝,據悉備受力捧的姜濤,明年更會與爆肌Stanley齊齊進軍台灣拍偶像劇,而MIRROR的12位成員更會合體一起拍攝ViuTV偶像劇。

《蘋果》致電MIRROR經理人花姐黃慧君了解,但未獲回覆。而Stanley就承認說:「係呀,好興奮,我自己都希望喺演員方向定位。不過我唔係同姜濤一齊拍,我係拍另一套。之前自己都拍咗《娛樂風雲》同王貽興套《黑市》。」

記者致電Anson Kong,對於明年有份與姜濤、Lokman、Ian 和Anson Lo等MIRROR成員一起拍ViuTV偶像劇《信任的遊戲》,Anson Kong說:「聽講話會寫過另一個故仔,由我哋MIRROR 12個人一齊做,都係等公司安排。」Anson Kong本想入行做歌手,如今MIRROR各人不停拍劇,會否感到難以適應,又或是非自己所願?Anson Kong笑說:「初初會有啲唔知點,但啱啱拍完《打天下》,真係拍得好開心,覺得好好玩。」Anson Kong表示,MIRROR明年會出大碟,雖然MIRROR各人都有工作,但就表示:「惟有夜啲錄歌,其實我哋只係差幾首歌未錄啫。」

娛聞樂陪你走遍全球追星,即Like「娛果」FB 專頁!
BannerBanner