【狗仔出更】歐陽震華6年前飲酒過量險變植物人 唔怕死繼續買酒

更新時間 (HKT): 2019.12.17 00:30

59歲的歐陽震華(Bobby)天生一副福相,唔靚仔,但形象親民,演出的劇集向來有收視保證。感情路上,Bobby更娶到澳門第二代賭王傅老榕的孫女傅潔嫻(Rosanna),傅老榕家族為香港富麗華酒店創辦人,酒店1985年上市,家族持有資產約80億港元。兩夫妻都愛熱鬧,經常相約朋友聚餐開派對,6年前的初二,Bobby與好友陶大宇、謝天華、郭政鴻等開派對,暢飲狂歡後,疑飲酒過量險死,急性肺炎昏迷送院搶救12小時,差點變植物人。

福大命大的Bobby雖然未有戒酒,但亦深覺命仔與老婆最緊要,開始懂得養生。太太傅潔嫻最緊張老公健康,不時買補品給老公調理身體,有指家中冬蟲草與燕窩長食長有,更誇張到乾瑤柱當零食,並要定期睇中醫調理身體。近年Bobby亦開始減產,一年只拍一部劇,過着慢活人生。

Bobby最近為無綫劇《伙計辦大事》開工,但日前仍能抽空去買酒。當晚8時許,《蘋果》記者發現Bobby的坐駕停泊跑馬地路邊,汽車打死火燈,原來Bobby在對面馬路一間酒舖極速買酒。Bobby應該是常客,預先已訂貨,所以店員一見到他已拿出幾支酒入袋,Bobby好快便畀錢離開,需時約數分鐘。Bobby發現記者後,亦禮貌地揮揮手,問到是否買酒飲?他笑着說:「唔係自己飲,幫朋友買。」之後便上車離開。

採訪、攝影:孔子、吳耀輝

娛聞樂陪你走遍全球追星,即Like「娛果」FB 專頁!
BannerBanner