【唔好咁多裁員】汪明荃冇收到陳國強退任消息 希望公司多啲考慮員工

更新時間 (HKT): 2019.12.19 23:40
(攝影:陳慧安)

粵港澳三地的粵劇名伶,包括羅家英、阮兆輝、蔣文端及丁凡等演出的經典劇目《胡不歸》,今晚在沙田演出。汪明荃以八和主席身份到場支持。汪明荃表示平時也有現場欣賞老公羅家英演出,阿姐覺得家英哥演出穩定,她說:「佢唔係使成齣做晒,所以好輕鬆,佢身體狀況冇問題,仲精神過我,佢日日都拍緊戲同大陸電視劇,從來都冇停過。」阿姐表示,不用刻意叫家英哥錫身,因為家英哥鍾意忙,做得幾多做幾多。二人於聖誕節會一齊去馬來西亞登台數天,寓工作於放假。

對於有傳「殼王」陳國強退任無綫主席一職,汪阿姐表示沒收到任何通知,她說:「都係傳啫,作為藝員好難講,咁大公司梗係有好多嘢考慮,例如廣告、股東及成本等,好多嘢都要向股東交代,香港環境都唔係咁好,希望唔好咁多裁員,公司多啲考慮員工,我哋只能夠盡量反映用番員工,因為而家每間公司各行各業都係咁。」阿姐表示未有聽聞誰會上任主席一職。

採訪:張明、攝影:陳慧安

娛聞樂陪你走遍全球追星,即Like「娛果」FB 專頁!
BannerBanner