【突然富貴】靚湯「細細地投資」升格買獨立屋 斥4,500萬入市:同屋企人住好啲

更新時間 (HKT): 2019.12.19 20:07

「靚湯」湯洛雯繼去年被《蘋果》讀者踢爆與姚子羚舊愛「的士邦」鄭子邦在銅鑼灣酒吧夜蒲,更任由男方下半身貼實自己。早前,靚湯又被指跟失婚的劉愷威撻着,更指一手撮合兩人的林夏薇,借出山頂豪宅讓兩人方便拍拖。

雖然事後靚湯否認與劉愷威拍拖,只謂兩人是朋友關係,但去年新年期間,表示已在努力儲錢入市,期望能「細細哋幾百呎嚟投資」的靚湯,今日卻被指以超過4,500萬,購入馬鞍山耀沙路的獨立屋,而淨計實用面積就已經達2,161方呎,更有一個靚湯口中所謂的「細細哋」的549方呎花園。

對於突然富貴買樓,湯洛雯今日以短訊回覆傳媒時,表示自己今次與家人夾份買樓:「其實一直都係同屋企人一齊住,一直都好希望屋企人可以住得好啲,新地方都係同屋企人夾,一家人都有負責的,所以以後都真係要好努力工作,多謝大家關心。」

問到是否對未來樓市充滿信心?她說:「其實我都唔係好識,都係希望屋企人可以住好啲,咁大家都鍾意,所以做咗呢個決定。」

娛聞樂陪你走遍全球追星,即Like「娛果」FB 專頁!
BannerBanner