【搬龍門】黃秋生笑黑警小朋友 杜汶澤︰誠哥派錢算唔算洗黑錢?

更新時間 (HKT): 2019.12.20 15:50

黑警執法不公、龍門任搬,市民自然繼續鬧。杜汶澤亦在FB開火,他表示「法律常識題,誠哥派錢,三唔識七,收錢嗰個算唔算洗黑錢?真心想知……」事緣警方昨日會見傳媒,稱支援被捕抗爭者的星火同盟涉及「洗黑錢」,除凍結7,000萬資金,並拘捕3男一女。主要理據是在辦公室搜出13萬現金及3,300張超市現金券等物品,其中一位信託人兼大律師吳靄儀對事件感到震驚。

另一邊廂,不平則鳴的黃秋生昨日貼了一幅蒙面警的真實對話新聞,該蒙面警訓示傳媒話:「係咪記者朋友呀?影示威者啦,喂7個月喇,仲影警察執法。警察一定執法㗎啦!」秋生就在facebook回應這位警察「點解需要監察,點解需要獨立調查?佢講出咗個重點,就係七個月啦,佢都重未明白人哋做乜影住佢。毫無自醒能力。唔係影你執法,係影你有冇違法呀小朋友。」不少網民都留言支持秋生「重點佢哋唔明,唔係阻止佢,係監察緊佢!!」、「跟炳強呢挺大佬,啲細都好極有限!果然亞洲最優獸」、「其實佢係咪見到啲我哋見唔到嘅野呀」、「黑警冇得救,因為連續7個月都手法唔乾淨違規執法,唔影你影邊個!」。

娛聞樂陪你走遍全球追星,即Like「娛果」FB 專頁!
BannerBanner