【女主角去哪兒?】黃心穎繼續潛水 湯洛雯懶理:我自己拍完就算

更新時間 (HKT): 2019.12.21 19:30

洪永城、湯洛雯及謝東閔等藝員,今日在電視城宣傳大台劇集《丫鬟大聯盟》,女主角黃心穎回港後繼續潛水,沒現身協助宣傳。提到劇集早前因受黃心穎和許志安的「偷食事件」影響一度延至今才決定推出,洪永城表示在劇中與黃心穎有不少對手戲,對劇集能播出感到高興,但未知有否刪減某些戲份。問到知否黃心穎之後會否現身宣傳?洪永城說:「未收到消息,如果佢情緒狀態ok都可以嚟宣傳,我就冇聯絡佢。」

至於與黃心穎有最多對手戲的湯洛雯自言做演員很被動,完成拍攝工作之後,不知道劇集何時播出,她笑說:「所以我自己拍完就算,播唔播都得,因為我已經收咗人工,哈哈!」此外,最近有報道指她購入4500萬豪宅,湯洛雯抱怨說:「係一家人一齊買嘅,只得我自己一個點負擔得起?但真係冇諗過咁快曝咗光,屋企人都有啲唔開心,地址都放埋出嚟,不過我都安慰佢哋係開心事,就冇所謂啦。」

提到舊愛羅天宇與戴祖儀傳出有戀情,湯洛雯大方表示:「都未知真定假,我曾經叫過佢快啲搵到個女朋友,如果傳聞係真,我都戥佢開心。」

娛聞樂陪你走遍全球追星,即Like「娛果」FB 專頁!
BannerBanner